Gjobat që policia po u shqipton qytetarëve të cilat nuk zbatojnë masat anti-COVID-19 po shihen si të pabazuara ligjërisht. Njohësit e çështjeve juridike po thonë se duhet një ligj i veçantë që do të tregojë kohën se sa do të jetë në fuqi ky ligj.
“Çdo shqiptim i masave të kësaj natyre është veprim i kundërligjshëm apo antikushtetues pasi që doemos duhet të ekzistojë një ligj i shkruar i cili duhet të ketë kritere të caktuara pasi që duhet të jetë një rrethanë e jashtëzakonshme për të zgjatur më shumë se dy muaj. Pra duhet të jetë një ligj i cili flet për rrethanat e jashtëzakonshme, tregon arsyet e vendosjes, masat dhe periudhën kohore deri kur është në fuqi ai ligj”, deklaroi për RTV Dukagjinin, Blerim Burjani.
Ndër masat e marra është edhe ajo për gjobitje mbi 500 euro të personave fizik që nuk mbajnë maska ndërsa për atë juridik mbi një mijë euro.
Këto gjoba do të procedohen nëpër gjykatat kompetente.
Për zbatimin e këtyre masave janë angazhuar policia e Kosovës dhe inspektorët sanitarë qendrorë dhe lokal./RTV Dukagjini