Nënkryetari i AAK-së, Ardian Gjini, ka bërë me dije se kryeministri Albin Kurti duhet të shkojë në opozitë.
Ai është shprehur i bindur se partia e tij nuk do ta ndihmojë Kurtin që të mbetet në pushtet.
“Unë sot po them që Aleanca nuk beson që duhet na me ndihmu që Albin Kurti me mbet në pushtet ma tutje”, ka thënë në një interviste për Tëvë1.
Gjini ka vlerësuar se askush prej opozitës nuk duhet të ndihmojë Kurtin që të mbete në pushtet.
“Ajo çfarë ne besojmë është që është duke i bërë dëm jashtëzakonisht Kosovës. Nuk mendoj se i bëjmë nderë Kosovës duke ia zgjat mandatin, me vullnetin tonë. Nëse ia zgjat populli është diçka tjetër, është demokraci dhe ne pajtohemi. Por, nëse kërkohet bekimi ynë, nëse varet prej nesh, ne mendojmë që është gabim, mendojmë që Kurti duhet të shkojë në opozitë”, është shprehur kryetari i Komunës së Gjakovës.
