Gjykata Themelore në Gjilan ka aprovuar kërkesën e Prokurorisë Themelore të Gjilanit, mbi caktimin e masës së paraburgimit ndaj të pandehurve Gj. K., K. Z. dhe S. H., në kohëzgjatje prej 1 muaji.
Të pandehurit Gj. K. dhe K. Z. shtetas të Republikës së Shqipërisë dhe S. K. shtetas i Republikës së Kosovës, me datë 21.03.2017 në ora 17:40 minuta në Gjilan, gjatë një kontrolli nga zyrtarët policorë të Drejtorisë së Hetimeve Kundër Trafikimit të Narkotikëve, në veturën e të pandehurve janë gjetur një sasi e substancave narkotike në peshë prej 12 kilogram e 453.3 gram.
Me këtë veprim në bashkëkryerje kanë kryer veprën penale blerje posedimi, shpërndarja dhe shitja e paautorizuar e narkotikëve të rrezikshëm dhe substancave psikotrope dhe analoge, nga neni 273 paragrafi 2 lidhur me nenin 31 të Kodit Penal të Republikës së Kosovës (KPRK).
Sipas njoftimit, palët kanë të drejtën e ankesës ndaj këtij vendimi në Gjykatën e Apelit.
