Lucas Hernandez do t’i thotë lamtumirë sot Bayern Munichut.
Sipas ekspertit të transfereve, Fabrizio Romano, mbrojtësi francez do të transferohet në Paris Saint-Germain.
Palët tashmë kanë arritur marrëveshje dhe transferi mund të realizohet sot, shkruan “Gazeta Express”.
Përfaqësuesi francez ka mbërri në kryeqytetin francez dhe për të PSG-ja do t’i shpenzojë 48-50 milionë euro.
Hernandez kishte pësuar lëndim të rëndë në Kupën e Botës në Katar dhe nga ajo kohë nuk ka mundur ta tregojë më veten.
Sidoqoftë, ai synon të rikthehet më i fortë në eksperiencën e tij të re në Paris.
Nga ana tjetër, gjiganti bavarez e ka gjetur pasardhësin e tij.
Bëhet fjalë për mbrojtësin e Napolit, Kim Min-jae, i cili do t’i bashkohet klubit nga “Allianz Arena” sapo të zyrtarizohet kalimi i Hernandezit në PSG.
