Trupi i pajetë i një fëmije 4 vjeç u gjet sot në kanalin e Ibër Lepencit.
Forca e Sigurisë së Kosovës që u angazhua në këtë operacion, tha se ishin në kërkim të 4-vjeçarit që nga pasdita e djeshme.
“Forca e Sigurisë së Kosovës ka arritur ta gjejë pa shenja jetë trupin e fëmijës katërvjeçar i cili kishte rënë në kanalin e Ibër-Lepencit në Mitrovicë. Fëmija ishte i raportuar i zhdukur që nga dita e djeshme, ndërsa trupat e FSK-së kanë dalë në vend ngjarje dje në orët e vona të pas ditës, pas kërkesës së Qendrës së Situatave, duke angazhuar ekipet e Kërkim Shpëtimit malor, ujor dhe K9 të Gardës Kombëtare, të cilat kanë punuar në koordinim me Policinë e Kosovës”, thuhet në njoftimin e FSK-së në Facebook.
“Pas evakuimit të viktimës trupi i pajetë është dorëzuar Mjekësisë Ligjore dhe Policisë së Kosovës për procedurat e mëtejme”, thuhet tutje në njoftim.
