Aeroplani amerikan Globemaster C17, dje evakuoi 640 qytetarë afgan nga Kabuli, pesëfish sa ishte kapaciteti i aeroplanit. Por një rrezik të tillë nuk e kanë marrë ushtria gjermane. Në fakt, dje raportohet se aeroplani ushtarak i Gjermanisë u largua nga kryeqyteti afgan me vetëm 7 persona në bord, transmeton Insajderi.
I pari nga disa avionë ushtarakë gjermanë që mbërriti në Kabul ishte në gjendje të evakuonte vetëm shtatë persona, tha një zëdhënëse e politikës së jashtme në partinë e kancelares Angela Merkel, për shkak të kaosit në aeroportin e kryeqytetit afgan.
Misioni kryesor i aeroplanit të transportit ushtarak A400M, në atë që Ministrja e Mbrojtjes Annegret Kramp-Karrenbauer e përshkroi si një “zbarkim të tmerrshëm”, ishte të sillte ushtarë gjermanë për të organizuar dhe siguruar evakuimin.
“Ne kemi një situatë shumë kaotike, të rrezikshme dhe komplekse në aeroport,” tha ajo për transmetuesin ARD.
“.. Ne kishim shumë pak kohë, kështu që ne morëm në bord vetëm njerëz që ishin në vend. Për shkak të situatës kaotike, jo shumë ishin në gjendje të ishin në aeroport.”
Shtatë persona hipën në bordin e avionit, konfirmoi zëdhënësja e politikës së jashtme të grupit parlamentar CDU/CSU.