Mërgimtarët kanë filluar të vijnë për pushime në Kosovë.
Kështu atyre shpeshherë u duhet që të presin edhe gjatë në kufi.
Por, në këto orët e para të mëngjesit të ditës së hënës, duket se radhët nuk janë të gjata.
Të paktën ashtu duket bazuar në përditësimin e fundit që ka bërë Qendra për Menaxhimin Kufitar të Ministrisë së Punëve të Brendshme.
Në njoftimin e QKMK-së, bëhet e ditur se pritjet për të hyrë përmes Dheut të Bardhë në këtë mëngjes janë 20 deri në 25 minuta, ndërsa daljet tre deri në pesë minuta.
Ndërsa, te pika kufitare Kullë pritjet për të hyrë në Kosovë janë 10 deri në 20 minuta, po ashtu pritje deri në 15 minuta ka edhe në dalje.
Pritje 15 minutshe ka edhe në Vërmicë.
Deri në 10 minuta po presin edhe udhëtarët nëpër pikat të tjera kufitare.