Në ‘Prime’-in e mbrëmshëm (e premte) të Big Brother VIP Kosova dy banorët nga Shqipëria, Stresi dhe Vivien u përfshinë në një debat të fortë me njëri-tjetrin.
Ata zbuluan një nga takimet e tyre që kishte ndodhur dhjetë vite më parë ndërsa kishte edhe mendime të ndryshem se si kishin rrjedhur gjërat.
Por, Getinjo i cili prej javësh ka krijuar një lidhje romantike me Vivienin qëndroi indiferent ndaj gjithë diskutimit.
Foto: Screenshot/Instagram
Mirëpo, pas përfundimit të spektaklit Getinjo ka biseduar me Vivienin në oborr madje duke i thënë se ajo dhe Stresi janë duke e përdorur.
“Të dytë jeni duke më përdorur mua, mos më shiko ashtu, sepse kështu po i bie, unë kam të drejt të gjykoj atë që po shoh, ti në fillim e ke lëvduar, ke thënë e njoh moti nga jashtë, fillove edhe ti si Xhuli, ti po më përdor mua për ta dobësuar Stresin, ai po më përdor për të dobësuar ty, unë jam karremi i të dyve”, i tha Getinjo.
Ndërkaq, Vivien u shpreh se vetëm tentoi që të sqaronte situatën me Stresin që të mos kishte keqkuptime.
“Ishte i vetmi person nga Shqipëria normal që do e përmendja, unë mendon që nuk merrem vet me Stresin sikur që bëra mbrëmë, unë vetëm të kërkova që të ndërhyje në lidhje me ne të dy, mos më thuaj që po të përdori, po e thua me siguri shumë të madhe”, u shpreh Vivien në anën tjetër.
Ndryshe, kujtojmë që banorja e eliminuar mbrëmë ishte këngëtarja e njohur, Ana Kabashi.
