Ministrja e Punëve të Jashtme dhe Diasporës, Donika Gërvalla është takuar me Ministrin e Jashtëm të Kroacisë, Gordan Grlić-Radman në Forumin e Dubrovnikut.
Gërvalla në këtë takim ka thënë se duhet të finalizohet procësi i anëtarësimit të Kosovës në Këshillin e Evropës.
“Në takimin bilateral të mbajtur në Forumin e Dubrovnikut, Ministrja Gërvalla shprehu mirënjohjen ndaj Kroacisë për mbështetjen e madhe që i ka dhënë Republikës së Kosovës në procesin e anëtarësimit të Kosovës në Këshillin e Evropës, duke deklaruar që ky proces duhet të finalizohet sa më shpejtë me anëtarësimin e plotë në KiE.” – thuhet në komunikatën e MPJD-së.
Më tej, në takim është folur edhe për veprimet destabilizues të Serbisë.
“Ministrja Gërvalla në takim me Ministrin Radman foli edhe rreth veprimeve destabilizuese të Serbisë në rajon dhe nevojën e rritjes së bashkëpunimit mes shteteve pro perëndimore të Ballkanit Perëndimor në ruajtjen e paqes dhe stabilitetit.” – përfundon komunikata.
