Ministrja e Punëve të Jashtme, Donika Gërvalla është takuar sot me ministrin për Çështje Evropiane të Finlandës, Anders Aldercreutz.
Në takim, sipas MPJ-së, është diskutuar për procesin e anëtarësimit të Kosovës në Këshillin e Evropës.
“Në takim u diskutua për procesin e anëtarësimit të Kosovës në Këshillin e Evropës, sukseset e jashtëzakonshme të Kosovës në ngritjen e standarteve të demokracisë dhe shtetit ligjor, përparimin në ekonomi dhe perspektivën euroatlanktike të Kosovës.” – thuhet tutje.
Në fund, MPJ njofton:
“Duke vlerësuar gjendjen e të drejtave të njeriut dhe atyre të komuniteteve joshumicë, ministrja Gërvalla shprehu mirënjohjen e saj për mbështetjen e vazhdueshme të Finlandës”.
