Kapacitetet e Kosovës për pranimin e refugjatëve ukrainas i ka shpjeguar sot ministrja Gërvalla. Ukraina ka qenë ndër temat e diskutuara në mes kryeministrit Kurti, kryediplomatit grek, Nikos Dendias dhe ministres Gërvalla në Delphi të Greqisë.
Në një postim në facebook nga Forumi Ekonomik i mbajtur në Greqi është dizajnuar deklarata e ministres për kapacitetin e Kosovës që të pranojë refugjatët ukrainas, përputhjen me sanksionet e BE-së dhe SHBA-ve dhe ndihmat që Kosova ka dërguar për Ukrainën.
“Që nga dita e parë Kosova ka qenë në përputhje me sanksionet e BE-së dhe SHBA-së. Ne mund të pranojmë deri në 5000 refugjatë dhe tashmë kemi dërguar ndihma humanitare”, ka thënë Gërvalla
Ndërkaq ditën e djeshme kryeministri Kurti tha se njohja e Greqisë do mund t’i sillte Kosovës edhe njohje të reja nga vendet e tjera.
