Zëvendësministri i Administrimit të Pushtetit Lokal, Bajram Gecaj ka komentuar rreth një deklarate të kryetarit të Lëvizjes Vetëvendosje, Visar Ymerit, në lidhje me shenjtërimin e Nënës Terezë.
Ymeri përmes një postimi në rrjetin social Facebook ka thënë se ‘’Nënë Tereza në bënë krenarë por edhe detyron të shikojmë si ajo’’, zëvendësministri Gecaj ka thënë se një deklarim i tillë mund të jetë një shenjë ku sipas tij imituesi i Lëvizjes Vetëvendosje mund të ketë heqë dorë nga dhuna.
Lexoni të plotë postimin e Gecajt në Facebook:
‘’MREKULLI apo DEMAGOGJI
Visar Ymeri: Nënë Tereza na bënë krenarë por edhe na detyron të shikojmë si ajo”. Vallë a është kjo mrekullia e tretë e tani Shën Terezës? A është e mundur që imituesi i liderit të Lëvizjes Anarkiste të Vetëvendosjes (LAV) të ketë heqë dorë nga dhuna? Kjo duhet të ishte ashtu poqese ai tani e tutje do të “shikoj si ajo”! Apo ndoshta kjo është njëra në radhën e deklarimeve të tija demagogjike!”.
