Këngëtari i mirënjohur Gazmend Kelmendi i njohur si Gazza, së fundmi ka realizuar një këngë të emëruar ‘Tradita Jonë’ që shumë shpejt është pranuar nga opinioni i gjerë e sidomos nga familjet me traditë.
Në këtë këngë është thurur mjeshtërisht dashuria për Familjen dhe Atdheun ku Gazza u këndon katër brezave të trungut familjar të cilët janë edhe personazhet e këtij klipi, si, stërgjyshi, gjyshi, djali dhe nipi.
Kënga është realizuar në fshatin Kelmend, ku pamjet e bukura nga ambienti autokton është edhe një element shtesë duke ditur se edhe shtëpitë janë vendet ku kanë lindur këto personazhe!
Kënga ‘Tradita Jonë’ mban autor të tekstit mjeshtrit e lapsit, Fatmir Muja, muzika & aranzhmani, Virusi, videoklipi Redmediaks, ndërsa producent maestro Burim Krasniqi./PrishtinaPress.eu
