Gazetarja e “Abc News”, Linda Karadaku në një lidhje direkte nga Ukraina ka thënë se gjendja në këtë shtet ia kujton Kosovën e vitit 1998, shkruan Gazeta Express.
Ajo në emisionin “Frontal”, në T7 tha se gjatë atij viti në Drenicë kishte filluar lufta por se në Prishtinë nuk ishte ndjerë edhe aq.
E kështu ajo thotë se është gjendja edhe në Ukrainë.
“Më kujton disa momente atë që ndodhte në Kosovë në vitin 1998 ndoshta që kishin filluar zhvillimet në Drenicë por në Prishtinë nuk është se ndjehej edhe aq shumë. Kështu ndodhi edhe këtu. Ukraina perëndimore është vendi më i sigurt aktualisht në Ukrainë. Njerëzit mendojnë se do të ketë dialog, që do të bëhet përpjekje që të mos ketë luftë dhe që ta vazhdojnë jetën e përditshme”, tha ajo për emisionin “Frontal”. /Gazeta Express/
Videon e plotë të emisionit mund ta shikoni KËTU.
