Një shampon me mbishkrimin “Motel Havana” i është vendosur brenda këpucës, jashtë apartamentit në Prishtinë, gazetarit Agon Sinanaj.
Sinanaj, kryeredaktor i portalit Buletini Ekonomik, tha sot e ka gjetur shamponin në njërën nga këpucët e tij.
Ai, në një njoftim në Facebook, tha se vendosja e shamponit “Motel Havana” në këpucët e tij mund të jetë një ide e një mendje kriminale.
Sipas tij, veprimi paraqet vazhdimësinë e shantazheve online ndaj veprimtarisë së tij si gazetar.
“Dje ma kish lënë dikush para derës time të banesës këtë shampon, ne katin e nëntë, tek banesat e njohura si banesat e Standardit, ku jetoj qe 1 vit. Mund te jete rastësi, po mund te jete edhe ide e një mendje kriminale. E shoh vazhdimesi te shantazheve online qe nga koha e sulmit kibernetik ne Buletini Ekonomik”, tha Sinanaj.
Ai tha se të gjitha këto raste i ka adresuar në Prokurorinë e Shtetit. /Paparaci.com
