Policia e Kosovës ka njoftuar se janë gjobitur dy shoferë që kishin organizuar gara sportive në aksin rrugor Mitrovicë-Vushtrri.
Sipas policisë atyre u janë shqiptuar gjobat prej 150 euro, si dhe nga një pikë negative.
“Njësitet e policisë në kuadër të Stacionit Policor në Vushtrri, kanë identifikuar dhe proceduar me masa ndëshkimore ndaj dy shoferëve për kundërvajtje në trafikun rrugor. Kundërvajtësit janë hasur në aksin rrugor Mitrovicë –Vushtrri, të cilët në kundërshtim me rregullat e trafikut rrugor ishin duke bërë gara sportive me vetura duke penguar e rrezikuar edhe pjesëmarrësit tjerë në trafikun rrugor. Kundërvajtësve u janë shqiptuar gjobat prej 150 euro, si dhe nga një (1) pikë negative”, thuhet në njoftim.
