Kryetarja e komisionit për mbikëqyrjen e Agjencisë së Kosovës për Inteligjencë, Ganimete Musliu, njëherit edhe luftëtare e UÇK-së nuk ka përmbushur kriteret në “Forumin për Gratë, Paqen dhe Sigurinë” të organizuar nga Presidentja, Vjosa Osmani. Kështu, Musliu u ftuar vetëm si pjesëmarrëse dhe jo si kontribut-dhënëse për paqen dhe sigurinë në vend.
Në karrigen e publiku refuzoi të marrë pjesë Musliu. Ajo në një prononcim për Gazetën Insajderi tha se e ka parë të paarsyeshme të marrë pjesë vetëm si publik.
“Sot kom refuzuar të marrë pjesë në këtë forum, pasi e shoh të paarsyeshme që si mbikëqyrëse e komisionit të AKI-së të jem vetëm si publik”, tha Musliu për Insajderin.
Musliu ka treguar edhe për koleget e saja të cilat kanë qenë të ftuar vetëm si publik e që kontributin për vendin e kanë shumë më të madh.
“Këtu vlen të theksohet se si pjesëmarrësi kanë qenë të ftuara edhe Time Kadrijaj dhe Shqiper Selimi. Kadrijaj e cila në njëri krah ka mbajtur kallashnikov dhe në tjetrin çantën e medicinës në kohën e luftës kurse Selimi e cila si 16 vjeçare ka qenë ushtarja më e re e UCK-së, askush më shumë se këto gra nuk ka mundur të jap kontribut për vendin”, tha Musliu për Insajderin.
Tutje Musliu, shtoi se gruaja e vetëm që përmbush fjalët paqe dhe siguri dhe që nuk u ftuar nga Osmani është Flora Brovina.
“E vetmja grua e cila përmbush fjalinë për gruan, paqen dhe sigurinë është Flora Brovina e cila pa ashtu nuk ka qenë e ftuar”, tha Musliu më tej.
Musliu kontributin e saj në kohën e luftës e kishte dhënë në zonën e Drenicë.
Zëri i grave që përbënin fortesën në kohën e luftës u mohu sot nga presidentja Vjosa Osmani./Insajderi.org