Deputetja e Partisë Demokratike të Kosovës, Ganimete Musliu, ka thënë me ironi se Lëvizja VETËVENDOSJE! u tregua modeste me sondazhin e publikuar sot.
“Kjo është një vetëkënaqësi e Vetëvendosjes. Të them të drejtën, nuk e di a po bëjnë fushatë apo jo, por besoj se Vetëvendosja është dëshmuar në qeverisje”.
“Mua më befason që paska qenë modeste Vetëvendosja që e ka lënë Lëvizjen e tyre vetëm 3% para PDK-së”.
Musliu këto komente i ka bërë në një lidhje direkte për Info Magazine të Klan Kosovës.
“VV nuk ka shtrirje strukturale në terren. Nëse është fushatë elektorale nuk e di kë dëshiron ta manipulojë, por kësaj radhe ishin modestë”.
“Është e pakuptimtë kur thuhet se po vjen era zgjedhje pasi jemi në një vit zgjedhor. I kemi zgjedhjet komunale, andaj shoh edhe shtim të aktiviteteve politike”.
Musliu ka thënë se partia e saj është e gatshme gjithmonë për zgjedhje.
“PDK nuk i frikësohet zgjedhjeve asnjëherë – e them pa modesti”.
“Është e turpshme dhe humoristike kur pyetet se a jeni të gatshëm për zgjedhjet, sepse partitë politike që nuk janë gati për zgjedhje gjithmonë nuk duhet të ekzistojnë”
“PDK nuk ia ka frikën asnjë partie në Kosovë”.
