Futbollistët e Kosovës kanë zhvilluar sot stërvitjen e parë për grumbullimin e qershorit në Kampin Nacional në Hajvali.
Dardanët kanë stërvitur me përkushtim në aspektin tekniko-taktik, për t’u përgatitur sa më mirë për miqësoren e parë të qershorit.
Në stërvitjen e parë, përveç Arijanet Muric, të gjithë lojtarët e tjerë të ftuar ishin prezent.
Seancat stërvitore do të vazhdojnë në dy termine çdo ditë deri në nisjen për në Oslo, më 3 qershor.
Trajneri dhe stafi teknik kanë planifikuar një sërë seancash intensive që krahas punës në fushën e gjelbër do të përfshijnë edhe analiza taktike.
Ata do të përballen me Norvegjinë, me datë 5 qershor në Oslo.
