Prostata është një gjëndër e vogël, në madhësinë e arrës, e pozicionuar përballë pjesës së fundit të zorrës së trashë dhe poshtë fshikëzës së urinës, duke rrethuar kanalin e urinës (uretra)
Me kalimin e viteve kjo gjëndër ka tendencë të rritet e për pasojë çon në shfaqjen e problemeve të tilla si: inflamacion të prostatës, urinim të shpeshtë sidomos gjatë natës, dhimbje në zonën e poshtme të shpinës, zmadhimi të prostatës (njohur ndryshe hipertrofia beninje e prostatës), etj.
Parandalimi është rruga më e lehtë dhe e sigurt për një jetë të gjatë e të shëndetshme. Prandaj, për të zbuluar prezencën e kancerit në prostatë, mjekët rekomandojnë fillimisht kryerjen e një testi gjaku të quajtur PSA.
Megjithatë një rol shumë të rëndësishëm luan edhe ushqyerja e shëndetshme. Living ju propozon sot një program 3 javor për të trajtuar në mënyrë sa më natyrale problemet me prostatën, ku përbërësi çudibërës është brokoli.
Përgatitja:
Në mbrëmje 250 – 500 gr brokoli të freskët, prijeni në copa të vogla dhe e fusni në një enë me 1 litër ujë, i cili sa ka filluar të vlojë.
Lëreni të ziejë brokolin për 4-5 minuta. Lëngun e zier nga brokoli e kulloni dhe fusni në frigorifer, në shishe xhami, që të ftohet.
Të nesërmen në mëngjes, 20 minuta para se ta hani mëngjesin, pini 0.5 l dhe pjesën tjetër prej 0.5 l, pijeni 20 minuta para se të hani darkën!
Brokolin e zier edhe mund ta hidhni, por mirë është që ta përdorni për supë, ose ta hani me perime tjera si ushqim.
Kjo kurë zgjat 21 ditë dhe ndahet në tri pjesë:
– Pjesa e parë, për 7 ditë duhet të pini nga 1 litër lëng brokoli, i përgatitur si më lart, pastaj bëni 3 ditë pauzë!
– Pjesa e dytë, prapë për 7 ditë tjera pihet çdo ditë nga 1 litër nga ky ujë i zier me brokoli dhe prapë bëni pauzë për 3 ditë!
– Pjesa e tretë dhe e fundit, prapë pihet çdo ditë nga 1 litër nga ky ujë i zier me brokoli dhe pas 7 ditësh, kryhet kura!
