Mbrëmë u raportua se deputeti i Lëvizjes Vetëvendosje, Xhelal Sveçla dhe ai i Partisë Socialdemokrate, Frashër Krasniqi janë përleshur mes vete pas një debati televiziv.
Rrahjen në mes deputetëve e konfirmoi mbrëmë për lajmi.net, deputetja e LDK-së, Besa Gaxherri e cila ishte prezente.
Deputeti Frashër Krasniqi sot në hollin e Kuvendit ka thënë se ishte vetëm një konflikt verbal dhe asgjë më shumë.
“Ka qenë një konflikt verbal nuk ka pasur diçka më shumë”, është shprehur shkurt Krasniqi.
Theksojmë se Krasniqi mandatin e kaluar i takonte Lëvizjes Vetëvendosje.