Forumi për Integritetin e Informacionit kanë reaguar të shqetësuar pasi deputetët e Kuvendit të Kosovës nga Lëvizja Vetëvendosje e kanë miratuar ligjin për Komisionin e Pavarur për Media.
Në reagimin e Forumit për Integritetin e Informacionit thuhet se partia në pushtet ka shpërfillur shqetësimet dhe rekomandimet e mediave, shoqërisë civile, BE-së, Këshillit të Evropës e ambasadave të huaja, gjë që tregon mungesën e harmonizimit me ligjet dhe standardet evropiane.
“Ky vendim paraqet një sulm ndaj lirisë së mediave, duke dëmtuar potencialisht rangimin e Kosovës në indeksin e lirisë së mediave. Forumi i Integritetit të Informacionit kërkon përdorimin e të gjitha masave ligjore dhe kushtetuese për të penguar zbatimin e ligjit”, thuhet në reagim.
Anëtarët nënshkrues:
Ardita Zejnullahu, Asociacioni i Mediave të Pavarura Elektronike të Kosovës (AMPEK)
Bardhi Bakija, Sbunker
Dren Gërguri, Ligjërues
Flutura Kusari, Aktiviste
Imer Mushkolaj, Këshilli i Mediave të Shkruara të Kosovës (KMShK)
Miodrag Milićević, NGO Aktiv
Naile Dema, Gazetare
Shkelzen Osmani, Action for Democratic Society (ADS)
Xhemajl Rexha, Asociacioni i Gazetarëve të Kosovës (AGK)
Gentiana Begolli, Gazetare
Albert Krasniqi, Democracy Plus
Saranda Ramaj, Gazetare
Florent Spahija, Këshilli i Mediave të Shkruara të Kosovës (KMSHK)
Rezarta Delibashzade Krasniqi, Demokraci për Zhvillim D4D
