Manchester Unitedi dhe Chelsea zhvillojnë në Old Trafford derbin e Ligës Premier që në orar është pjesë e javës së 37-të në kampionatin anglez.
Djajtë e Kuq kanë mbetur prapa në garën për top-katërshe, me gjashtë pikë prapa kësaj pozite që mbahet nga Arsenali (e që ka edhe një ndeshje më pak të zhvilluar).
Blutë janë në vend të tretë, me shtatë pikë më shumë se Tottenham Hotspur që po ashtu konkurron për pozitat e para, prandaj kanë nevojë për pikë.
Trajnerët Ralf Rangnick dhe Thomas Tuchel kanë bërë zgjedhjen e skuadrave që do të luajnë nga fillimi i takimit.
Formacioni startues i Manchester Unitedit: De Gea; Dalot, Varane, Lindelof, Telles; McTominay, Matic; Elanga, Bruno Fernandes, Rashford; Cristiano Ronaldo.
Formacioni startues i Chelseat: Mendy; Azpilicueta, Thiago Silva, Rudiger; James, Kante, Jorginho, Marcos Alonso; Mount, Havertz; Werner.