Sonte do të përcaktohet finalisti i dytë i Kampionatit Botëror që po mbahet në shtetin e Katarit.
Finalisti i parë është Argjentina, kombëtare që mundi mbrëmë Kroacinë 3:0 në “Lusail Iconic Stadium”.
Ndërkaq, sonte, në “Al Bayt Stadium” do të caktohet finalisti i dytë.
Në gjysmëfinalen e dytë, sonte takohen Franca dhe Maroku.
Franca eliminoi Anglinë për të kaluar në këtë fazë, derisa Maroku fitoi ndaj Portugalisë. Ndeshja e sontme luhet nga ora 20:00.
Franca hyn në këtë ndeshje me shqetësime të reja pasi dyshja Dayot Upamecano dhe Adrien Rabiot kanë munguar në stërvitje shkaku i gripit.
Nga ana tjetër, te Maroku, Walid Cheddira do të mungojë shkaku i kartonëve.
Formacioni i mundshëm i Francës: Lloris; Kounde, Varane, Upamecano, T. Hernandez; Tchouameni, Rabiot; Dembele, Griezmann, Mbappe; Giroud
Formacioni i mundshëm i Marokut: Bono; Hakimi, El Yamiq, Aguerd, Mazraoui; Ounahi, Amrabat, Amallah; Ziyech, En-Nesyri, Boufal./Prishtinapress/