Sot me rastin e 28 Nëntorit, flamuri kombëtar është ngritur edhe në Komunën e Bujanocit, nga kryetari i kësaj komune, Nagip Arifi.
Arifi, përmes një statusi në rrjetin social Facebook, i ka uruar të gjithë shqipëtaret.
“Me shpresën që një ditë rreth këtij flamuri do të bashkohen të gjithë shqiptarët, Ju uroj përzemërisht Ditën e Flamurit!”, ka shkruar ai.
Postimi i plotë:
Bashkëkombasë të dashur, Urime Dita më e shenjtë shqiptare, 28 Nëntori – Dita e Flamurit.
Edhe këtë herë, edhe pse e ndaluar ligjërisht, flamuri jonë kombëtar do të valojë në godinën e komunës për të kujtuar lavdinë dhe historinë tonë. Të kaluarën tonë të lavdishme e kujtuam edhe duke vënë kurora lulesh të varret e Komandant Lleshit, Besim Faikut dhe Jonuz Musliut. Me shpresën që një ditë rreth këtij flamuri do të bashkohen të gjithë shqiptarët, Ju uroj përzemërisht Ditën e Flamurit!