17 Maji shënon Ditën Ndërkombëtare kundër Homofobisë, Bifobisë dhe Transfobisë.
Kjo ditë u shënua edhe në Kosovë.
Por, për shkak të situatës së krijuar nga Covid-19, këtë vit ka pasur më pak aktivitete në krahasim me herët e kaluara.
Komuniteti LGBTI, në Kosovë ditë më parë kanë kërkuar në mënyrë zyrtare që për 17 maj, ndërtesa e Qeverisë së Kosovës të ndriçohet me ngjyrat e ylberit, që përfaqësojnë këtë komunitet.
Kërkesa e tyre fillimisht ishte aprovuar por pas dy dite ajo ishte refuzuar nga qeveria në detyrë.
Kjo kishte ngjallur debat dhe kritika ndaj Kurtit, i cili sërish e ka kthyer vendimin e mëparshëm.
Kurti ka thënë se askush nuk duhet të gjykohet e as të frikësohet për sigurinë e tyre ‘për shkak të asaj që janë’.
“Sonte Qeveria e Kosovës është ndriçuar me ngjyrat e ylberit. Diskriminimi nuk ka vend në shoqërinë tonë dhe askush nuk duhet të gjykohet e as të frikësohet për sigurinë e tyre për shkak të asaj që janë”, shkruan Kurti në Twitter.
Vendimin e Kurtit e ka kundërshtuar imami i Vushtrrisë, Bedri Haliti i cili e ka quajtur turp dhe mëkat, ndërsa anëtarët e komunitetit LGBTI+ i ka quajtur të prishur dhe të degjeneruar, si dhe ekstremista.
Në një ligjëratë online të publikuar në faqen e Xhamisë “Sheikh Zayed”, imami Haliti vendosjen e flamurit të këtij komunitet e ka quajtur edhe terrorizëm.
“Qeveria pranon të vendos flamurin e LGBTI-së në ndërtesën e Qeverisë, edhe pse në kohën e kësaj epidemie. Është trup, mëkat edhe gjynah, degjenerim dhe terrorizëm, që flamuri i këtyre grupeve të terroristëve, ekstremistëve, njerëzve të prisht të vihet flamuri të vendoset në ndërtesën e shtetit. Është derdhë gjak i madh, për fenë e kombit tonë,për të drejtat tona kombëtare e fetare e njerëzore, për lirinë tonë, të vendoset flamuri i flliqt i prishtë i njerëzve të prisht që shkatërron fenë, atdheun, shtetin, njerëzimin. Janë njerëz që i kanë kaluar të gjithë kufijtë të së keqes. Kjo quhet jo kulturë, jo njerëzore”, ka thënë ndër të tjera ai.
Tonight, the Government of #Kosova has been lit up in rainbow colors. Discrimination has no place in our society, and no one should be judged nor fear for their safety because of who they are. #IDAHOT pic.twitter.com/RVio8jjvCy
— Albin Kurti (@albinkurti) May 17, 2020