Federata Ndërkombëtare e Futbollit [FIFA] vendosi të hapë hetime mbi skuadrën përfaqësuese ruse në futboll, për shkak të dyshimeve të ngritura së fundmi për përdorim dopingu, një skandal ky që e kërcënon ndjeshëm Kupën e Botës që do të zhvillohet këtë vit në Rusi.
Anëtarë të bordit drejtues të qeverisë së futbollit botëror kanë konfirmuar bashkëpunimin me Grigory Rodchenkov, ish-kreun e laboratorit antidoping të Moskës, që zbuloi skandalin e dopingut në Rusi në Lojërat Olimpike Dimërore të Sochit në vitin 2014.
Avokati i Rodchenkov, Jim Walden ka deklaruar se klienti i tij dhe FIFA kanë nisur tashmë punën për mbledhjen e provave kundër futbollistëve, të cilët më parë kanë dëshmuar në Gjykatën e Arbitrazhit Sportiv kundër sportistëve rusë të Lojërave Dimërore të vitit 2014, me këta të fundit që kishin apeluar dënimin me pezullim.