Këndet e lojërave të Rusisë po bëhen terrene parakalimi.
Në shkollat nga Paqësori deri në Detin e Zi, fëmijët në çerdhe veshin uniforma dhe marrin pjesë në praktikën e marshimit.
Sic raoporton CNN fëmijët më të mëdhenj po mësohen se si të hapin llogore, të hedhin granata dhe të gjuajnë me municion të vërtetë.
Po ashtu në shkollat anembanë vendit po glorifikohet shërbimi në forcat e armatosura, po krijohen “kompani vullnetare” të adoleshentëve dhe po ndryshohet kurrikula kombëtare për të theksuar mbrojtjen e atdheut.
Me pak fjalë, fëmijët e Rusisë po përgatiten për luftë.
Investimi është i madh. Ministri i Arsimit Sergei Kravtsov tha kohët e fundit se tani ka rreth 10,000 të ashtuquajturat klube “ushtarake-patriotike” në shkollat dhe kolegjet ruse, dhe një çerek milion njerëz marrin pjesë në punën e tyre.
Këto klube janë pjesë e një përpjekjeje të shumëanshme që përfshin një rishikim rrënjësor të kurrikulës shkollore. Ka klasa të detyrueshme për vlerat ushtarako-patriotike; librat e përditësuar të historisë theksojnë triumfet ushtarake ruse.