Emisioni “Kjo javë” në “News 24” ka sjellë në rubrikën humoristike “Oops” pamje nga disa prej momenteve më pikante të jetës politike gjatë kësaj jave.
Mes momenteve gazmore të videos, që i sjell personazhet kryesore të politikës në një këndvështrim tjetër, është edhe ai kur disa fëmijë lypsa kanë një kërkesë të veçantë për kryedemokratin Lulzim Basha. “Na fal noi lek mo burr”, ka qenë kërkesa e fëmijëve, ndërsa badigardët e tij i shtyjnë.
Një tjetër moment i patransmetuar në kronikat televizive është edhe çasti kur kreu i AK-së, Kreshnik Spahiu ia merr valles së Tropojës në ‘çadrën e lirisë’, atje ku për disa ditë me radhë mbahet protesta e opozitës. Për më tepër “BalkanWeb” ju fton të shihni videon.
