Kompania Rajonale e Mbeturinave “Pastrimi” Sh.A ka emëruar Fazlie Haziri – Maloku si ushtruese e detyrës së kryeshefes së kësaj kompanie.
Në krye të kësaj kompanie, Maloku është emëruar përkohësisht pasi sot, Bordi i Drejtorëve të kompanisë “Pastrimi” ka shkarkuar kryeshefin ekzekutiv, Burim Kelmendin.
Në lidhje me këtë ka folur edhe kryetari i Prishtinës, Përparim Rama, i cili tha se Kelmendi është shkarkuar pasi i njëjti nuk i ka realizuar objektivat e kompanisë.
“Është vërtetuar se ka pasur devijime ekstreme nga parashikimet e Planit të Biznesit, ka pasur mbipunësim të paarsyeshëm dhe në kundërshtim me fuqinë ekonomike të kompanisë, si dhe është praktikuar edhe nepotizëm”, ka shkruar Rama në Facebook.
