Finalja e madhe e spektaklit Big Brother VIP Albania është ndjekur me interes të lartë nga mijëra shqiptarë.
Përveç rreteve kabllore/satelitore, shumë prej spektatorëve e kanë shfrytëzuar rastin për ta parë në YouTube ose në rrjetin social Facebook.
E teksa në këtë të fundit, fainlja po transmetohej nga një faqe, ka rezultuar që një nga shikuesit e saj të jetë edhe faqja zyrtare e Ministrisë së Mbrojtjes së Kosovës në Facebook.
Foto: Facebook
Lapsusi duket se ka ndodhur pa dashje nga një prej redaktorëve të faqes, i cili mesa duket nuk ka qenë në dijeni që nuk po e ndjek finalen live me profilin e tij zyrtar, por me atë të ministrisë.
Fotografia në fjalë ka filluar të shpërndahet me të madhe në rrjetet sociale, duke shkaktuar të qeshura te një pjesë e mirë përdoruesve.
