Familjarët e Sami Lushtakut: Nuk kemi informacion zyrtar për lirimin e tij

Familjarët e Sami Lushtakut ende nuk kanë marr ndonjë informacion zyrtar për lirimin nga burgu të kryetarit të Skenderajt, Sami Lushtaku.
Lushtaku i cili akuzohet për kryerjen e krimeve të luftës ndaj civileve në rastin e njohur si “Drenica 1”, është i dënuar me 12 vjet burg, për vrasjen e një civili, shkruan lajmi.net
Mbrëmë në media është raportuar se lidhur më këtë rast, Gjykata e Apelit ka liruar Lushtakun, duke ia hequr dënimin prej 12 viteve burg.
Por, djali Samisë, Mërgim Lushtaku ka bërë të ditur se ende nuk kanë marr informacion zyrtar për lirimin e tij.
Ai ka deklaruar se janë në pritje të një vendimi të drejtë.
“Ju njoftojmë, se ne si familjar nuk kemi asnjë lajm zyrtar, jemi informuar vetëm përmes portaleve! Ne jemi në pritje të një vendimi zyrtar dhe të drejt!”, ka thënë ai.