Partia Demokratike e Kosovës ka zëvendësuar Sami Lushtakun me Fadil Nurën në garën për të parin e Skënderajt.
“PDK beson në shtetin e së drejtës dhe respekton vendimet e institucioneve të pavarura të shtetit, dhe përkundër kundërthënieve të Ligjit për Zgjedhje Lokale, brenda afatit të përcaktuar nga KQZ, i ka bërë të gjitha zëvendësimet e kërkuara”.
Në këto zgjedhje, Sami Lushtakut i është pamundësuar kandidatura për Kryetar të ardhshëm të Skënderajt.
“Edhe pse po pengohet të garojë për Kryetar të Skënderajt, z. Sami Lushtaku, me besimin e qytetarëve të Skenderajt, më 17 tetor, do të jetë pranë tyre në qeverisjen e re të PDK-së në këtë komunë.
Ndërkohë, në pajtim me kërkesën e KQZ-së, Dega e PDK-së në Skënderaj ka miratuar unanimisht kandidaturën e deputetit Fadil Nura për Kryetar të ardhshëm të Skenderajt”.
