Deputeti i larguar nga Lëvizja Vetëvendosje, Fatmir Humolli, ka thënë se do ta votonte mocionin për rrëzimin e qeverisë nëse ai do të iniciohej para se të përshkallëzohej situata në veri të vendit.
Ai ka thënë se, sikurse emisari amerikan Gabriel Escobar, edhe ai i ka dhënë vërejtje kryeministrit Albin Kurti për shkak të mungesës së bashkëpunimit.
“Deklarata e Escobar për Kurtin se nuk ka instinkt bashkëpunimi? Këtë vërejtje ia kam dhënë edhe unë. Është i vështirë Kurti, por për këtë problem [në veri] nuk e votoj rrëzimin e Qeverisë. Nuk është korrekte”, ka thënë Humolli.
Ai ka deklaruar se nuk do ta përkrahë mocionin e mosbesimit ndaj qeverisë së Kurtit.
“Para situatës në veri unë do të kisha votuar për rrëzimin e qeverisë, por tash nuk është korrekte në këtë situatë”, tha ai.