Emisari i SHBA-së për Ballkanin Perëndimor, Gabriel Escobar, ka folur për qëndrimin e kryeministrit Kurti për vendosjen e rendit dhe ligjit në gjithë territorin e Kosovës.
Escobar ka thënë se sundimi i ligjit nënkupton edhe implementim të obligimeve ndërkombëtare dhe gjithashtu edhe vendimeve të gjykatave, siç është ai për Manastirin e Deçanit.
Escobar ka thënë se edhe krijimi i Asociacionit të Komunave me Shumicë Serbe është pjesë e sundimit të ligjit.
“Sundimi i ligjit nënkupton implementimin e vendimeve të gjykatave, si ai për manastirin e Deçanit. Asociacioni është pjesë e sundimit të ligjit”, ka thënë Escobar në bashkëbisedim me gazetarët.