Erërat e forta bënë që disa lisa që gjendeshin në rrugën “Hamëz Jashari” në kryeqytet të bien për toke.
Nga rrëzimi i tyre pësoi çatia e një shtëpie, por më lehtë nuk shpëtoi as një makinë.
Andaj, kjo gjendje sipas banorëve, erdhi edhe si pasojë e reshjeve të borës.
Pos, parkut të qytetit, lisat u rrëzuan edhe në atë të Taukbahqes.
Qytetarët kërkojnë që komuna të ndërmarrë masa që të mos përsëriten gjërat e tilla, pasi që drunjtë janë goxha të vjetër.
Drejtori për Siguri dhe Emergjenca, Lulzim Fushtica, tha se në koordinim me Hortikulturën do të bëjnë identifikimin e drunjve të vjetër për t’i larguar.
I pari i Prishtinës, Përparim Rama, përmes një postimi në Facebook, bëri një lutje për qytetarët që të mos i frekuentojnë këto pjesë.
