Erdogan nesër në Serbi, pritet të vijë edhe në Kosovë

Presidenti i Turqisë, Recep Taip Erdogan, nesër do ta vizitojë Beogradin, në një vizitë zyrtare.

Ai do të qëndrojë për dy ditë në Serbi, raporton Tanjug, transmeton Express.

Erdogan do të takohet me Presidentin e Serbisë, Aleksandër Vuçiq.

Në Serbi, Erdogan e Vuçiq pritet të diskutojnë për një mori çështjesh, duke përfshirë edhe për dialogun Kosovë-Serbi.

Po ashtu, Demokracia.com ka mësuar se Erdogan së shpejti pritet ta vizitojë zyrtarisht edhe Kosovën.