Presidenti turk Rexhep Tajip Erdogan tha këtë të hënë se më shumë se 1000 anëtarë të Hamasit janë aktualisht të shtruar në spital në Turqi, duke konfirmuar se ai nuk e konsideron organizatën islamike palestineze një organizatë terroriste.
“Kaq shumë anëtarë të Hamasit u vranë. I gjithë Perëndimi po i sulmon me të gjitha llojet e armëve dhe municioneve”, u tha udhëheqësi turk gazetarëve dhe përsëriti se Hamasi është një organizatë e rezistencës, raporton France Press.
Pas bisedimeve të tij me kryeministrin grek Kyriakos Mitsotakis në Ankara, Erdogan tha gjithashtu se i vinte keq që Greqia e konsideron Hamasin një organizatë terroriste.
Hamasi ka pasur një zyrë në Turqi që kur vendi ndihmoi ndërmjetësimin e një marrëveshjeje për lirimin e ushtarit të rrëmbyer izraelit Gilad Shalit pas pesë vjetësh në robëri në këmbim të më shumë se 1000 palestinezëve nga burgjet izraelite, raportuan mediat izraelite.
Ajo organizatë, e cila ndër të tjera ka mbështetjen e Iranit, Izraelit, SHBA-së, Britanisë së Madhe, Australisë, Kanadasë dhe Bashkimit Evropian, konsiderohet terroriste.
