Këngëtarja e mirënjohur e skenës shqiptare, Shyhrete Behluli, ka publikuar këngën e re.
“Erdh Bajrami” mban titullin projekti, i cili është realizuar ekskluzivisht për festën e Fitër Bajramit.
Artistja vjen me një interpretim të mahnitshëm e po ashtu shumë e veçantë edhe në videoklip.
Shyhrete Behluli (Foto: Instagram)
Për tekstin e këngës është përkujdesur Arian Agushi (Gold AG), kurse për muzikën dhe orkestrimin Miti Geci.
Projekti tani ështe publikuar edhe në kanalin YouTube, ndërsa reagimet e para të fansave e publikut kanë qenë mjaft pozitive.
Behluli në anën tjetër trajton tematika të ndryshme aktuale dhe për gjithë këto vite ka arritur të jetë në qendër të vëmendjes falë punës dhe përkushtimit në karrierë.
