Në mbledhjen e mbajtur sot nga Qeveria e Kosovës, ministri i Punëve të Jashtme, Enver Hoxhaj, tha se Republika e Maqedonisë është goditur nga vërshime të mëdha, ku janë goditur edhe pjesë të lokaliteteve të banuara me shqiptarë.
“Në shenjë solidarizimi dhe në frymën e fqinjësisë së mirë Kosova duhet ta ndjek shembullin e mirë në rajon dhe të ndajë mjete prej 50 mijë euro”, tha ai.
Pas këtij propozimi të ministrit Hoxhaj, Qeveria e Kosovës mori vendim për ndarjen e mjeteve financiare në vlerë prej 50 mijë euro për qytetarët e Republikës së Maqedonisë, të cilët janë goditur nga vërshimet më 6 dhe 7 gusht.