Futbollisti i ri, Igball Jashari është prezantuar në ekipin e parë të FC Prishtinës nën urdhrat e kryetrajnerit Ismet Munishi.
Igballi, pasardhësi i familjes Jashari nga Prekazi i Skenderajt gjatë prezantimit ka kënduar këngën “Mora Fjalë”, e cila i kushtohet komandantit legjendar, Adem Jasharit.
Faqja zyrtare e FC Prishtinës ka shpërndarë pamjet në Facebook.
“Igballi që është pasardhës i familjes legjendare të Jasharajve nga Prekazi i Skënderajt, siç e do zakoni, e ka kënduar një këngë para lojtarëve në tubimin e parë me skuadrën para ndeshjes me Trepçën ’89”.
“Sulmuesi 17-vjeçar është prezantuar para lojtarëve me këngën e Shkurte Fejzës “Mora fjalë”, e cila i kushtohet Komandantit legjendar, Adem Jashari”, shkruhet në postimin e FC Prishtinës./Prishtinapress/
