Një tjetër incident është regjistruar mbrëmjen e kësaj të diele në Elbasan, ku një 53-vjeçar ka plagosur me thikë ish-bashkëshorten e tij, dhe për pasojë është shoqëruar në komisariat.
Ngjarja ka ndodhur rreth orës 21:15, në rrugën “Tomorr Sinani”. E lënduara, shtetasja 48-vjeçare ndodhet në kujdesin e mjekëve jashtë rrezikut për jetën.
Policia gjeti të fshehur në afërsi të vendngjarjes mjetin prerës, i cili u sekuestrua në cilësinë e provës materiale.
Grupi hetimor po punon për zbardhjen e rrethanave dhe dokumentimin ligjor të rastit./abcnews.al