Derbi më i madh në botën e futbollit luhet sonte.
Me fillim nga ora 21:00 në “Santiago Bernabeu” do të zhvillohet “El Clasico”.
Real Madrid dhe Barcelona do ta zhvillojnë ndeshjen vendimtare të vitit, që mund ta përcaktojë edhe fituesin e La Liga-s.
Loja do të jetë e vlefshme për javën e 32-të të ligës spanjolle.
Aktualisht, “Los Blancos” janë lider në tabelë me 78 pikë, tetë më shumë se katalunasit.
Ndeshjen e parë këtë edicion, skuadra e drejtuar nga Carlo Ancelotti e fitoi në udhëtim, me rezultat 2:1.