Edon Zhegrova po tregon performancë të lartë me skuadrën franceze, Lille.
Reprezentuesi i Përfaqësueses së Kosovës ka shkëlqyer këtë edicion në Ligue 1, duke dhuruar spektakël në disa ndeshje për klubin e tij.
Madje Ligue 1 në faqen e tyre zyrtare në platformën ‘X’ ka publikuar një video të Zhegrovës ku shfaq sulmuesin kosovar duke dribluar.
Zhegrova është i pari në listën e dribluesve më të mirë në elitën e futbollit francez, duke lënë prapa disa yje të kampionatit elitar.
Anësori i Kombëtares së Kosovës ka regjistruar 46 driblime këtë sezon, po aq sa Romain Del Castillo.
Ousmane Dembele ka 41 driblime, ndërkaq në pozitën e pestë është ylli Kylian Mbappe me 39 të tilla.
