Kryeministri, Edi Rama është duke qëndruar në një vizitë zyrtare në Singapor ku u takua me kryeministrin e këtij shteti, Lee Hsien Loong.
Shefi i qeverisë shqiptare i ka përgëzuar institucionet e Singaporit, për vendimin që ta njohin Republikën e Kosovës, duke theksuar se ky hap do t’i afrojë edhe më shumë raportet mes shtetit të Shqipërisë dhe atij të Singaporit.
“Singapori njohu pak javë më parë Kosovën, një hap shumë i rëndësishëm për Kosovën, por edhe një hap që na afron më shumë.” u shpreh Edi Rama.
Temat tjera që u diskutuan në këtë takim të dy kryeministrave ishin nga energjia, nafta, mineralet dhe turizmi.