Postimi përkujtues i kryeministrit Albin Kurti për kryeministrin e vrarë serb Zoran Gjingjiq ka marrë reagime të shumta nga analistët por edhe nga qytetarët që kanë komentuar në Facebook.
Kurti u shpreh me fjalë mjaft të dhembshura për Gjingjiqin, që ishte vrarë më 12 mars 2003 në Beograd.
Ai tha se Serbia për dy shekuj ekzistencë i kishte pasur vetëm dy vjet demokraci, dhe ato dy vjet gjatë qeverisjes së Zoran Gjingjiqit.
Por cilat janë disa nga komentet që iu bënë kryeministrit Kurti.
“Ka dyshime që Facebook-un e ki bashkë me Vuçiqin! “
“Bir, vetëm edhe Milloshi të ka mbetë pa e përkujtu.”
“Përkujtoje edhe Milloshin, rehabilitoj Sheshelin, Mlladiqin e Karaxhiqin. Qysh po nuk ki fije turpi me dalë me postu kësi sene? Gjaku i qatyne heronjve sonte frymën ta nxoftë bre idiot!”
“Autori i këtij shkrimi a thu kush është? Nëse neve ja fillojmë me i vajtu serbët a do të thotë kjo që po kërkojmë prapë vëllaznim bashkim me Serbinë? Kujdesuni me shkrime sepse popullata nuk i do këto gjëra. Ju lutem kujdesuni se çfarë shkruani dhe menaxhoni.”
“O bir, a je me ne a me ata?” – tha Sh. S. Ashtu si edhe shumë komentues të tjerë.
“As edhe një fjalë për familjen e Agron Haradinajt ndërsa të bjen mend për serb. Turp Kryeministër!”
