Mbrojtja e Fatmir Limajt kishte kërkuar nga Gjykata Themelore që ta përjashtojë nga trupi gjykues anëtaren e këtij trupi, Maria Tuma, me arsyetimin se ajo ka qenë pjesë e ekipit të prokurorëve të cilët kanë mbrojtur lëndën ndaj Limajt në Gjykatën e Hagës për krime Lufte në ish- Jugosllavi ndaj vetë Limajt.
Kryetari i Gjykatës Themelore në Prishtinë, Hamdi Ibrahimi, hodhi poshtë kërkesën e mbrojtjes së ish ministrit të Transportit dhe Telekomunikacionit, Fatmir Limaj, për përjashtimin e një gjykatëseje ndërkombëtare nga trupi gjykues në këtë rast.
Mbrojtja e Limajt kishte kërkuar nga Gjykata Themelore që ta përjashtojë nga trupi gjykues anëtaren e këtij trupi, Maria Tuma, me arsyetimin se ajo ka qenë pjesë e ekipit të prokurorëve të cilët kanë mbrojtur lëndën ndaj Limajt në Gjykatën e Hagës për krime Lufte në ish- Jugosllavi ndaj vetë Limajt.
Lajmi për refuzimin e kërkesës është konfirmuar për KALLXO.com nga njëri prej avokatëve të Limajt, Tahir Rrecaj.
Javën e kaluar e njëjta kërkesë ishte refuzuar nga vetë trupi gjykues, ndërsa mbrojtja ishte ankuar më pas te kreu i gjykatës themelore.
Limaj akuzohet për shpërdorim detyre, ndërsa bashkë me Limajn në këtë proces gjyqësor të akuzuar janë edhe Nexhat Krasniqi, Endrit Shala, Shpëtim Telaku dhe Florim Zuka.