Një shtetas i Shqipërisë ia ka vjedhur identitetin një kosovari dhe është pajisur me pasaportë të Kosovës, shkruan GazetaDemos.
Mirëpo kjo nuk kishte kaluar pa u vërejtur nga autoritetet ligjzbatuese të Kosovës, gjë që ka quar arrestimin e të dyshuarit, i cili me vendim të prokurorit është dërguar në mbajtje.
Policia ka raportuar se kjo ngjarje ka ndodhur në Mitrovicën e Jugut.
“Është arrestuar i dyshuari mashkull shtetas i republikës së Shqipërisë nën dyshimin se ka vjedhur identitetin e një personi dhe si rrjedhojë është pajisur me letërnjoftim dhe pasaportë të Republikës së Kosovës. Në lidhje me rastin është konsultuar prokurori i shtetit me vendim të së cilit i dyshuari është dërguar në mbajtje”, raporton Policia e Kosovës nëpërmjet raportit 24 orësh./GazetaDemos/
