Numri i rasteve të ngacmimeve, sulmeve e dhunës seksuale në vendin tonë ka marrë përmasa shqetësuese. Ajo çka e bën edhe më tronditëse, është se në shumë raste viktima janë edhe të miturat të cilat keqpërdoren seksualisht nga të rriturit, e më pas edhe shantazhohen.
Një rast i tillë dhe mjaft i rëndë dyshohet të ketë ndodhur së fundmi, ku një grua 44-vjeçare ka kërkuar ndihmën e Policisë pasi dyshohet se është dhunuar nën kërcënimin e thikës.
Burime brenda Prokurorisë kanë bërë me dije se i dyshuari është Sulltan Gashi, i cili dyshohet se ka kryer aktin e tmerrshëm derisa ishte në gjendje të dehur.
Rastin e ka konfirmuar Policia e Kosovës.
“Është arrestuar i dyshuari mashkull kosovar pasi që i njëjti dyshohet se kishte kryer veprën e lartcekur ndaj viktimës femër kosovare. Viktima ka pranuar tretman mjekësor dhe në konsultim me prokurorin do të dërgohet për ekzaminim mjekësor në mjekësi ligjore, ndërsa i dyshuari me vendim të prokurorit është dërguar në mbajtje”, thuhet në deklaratën e Policisë.
E tmerrshme: 26-vjeçari dhunon një 44-vjeçare nënën kërcënimin e thikës dhe i dehur, arrestohet
