Policia e Kosovës, përkatësisht ajo e rajonit të Gjakovës kanë arrestuar dy të dyshuar, fillimisht për kanosje.
Pas kontrollës, tek ata u gjet edhe një substancë që sipas autoriteteve është e llojit marihuanë.
Kështu bëri të ditur policia përmes një komunikate të para pak çasteve dërguar medieve.
“Me datën 06.09.2023, njësitet patrulluese në kuadër të Stacionit Policor në Gjakovë ju kanë përgjigjur një rasti kanosje të raportuar në rrugën “Sylejman Hadum Aga” në Gjakovë. Zyrtarë Policorë në kuadër të këtij stacioni, kanë arritur të identifikojnë dhe të arrestojnë dy të dyshuar, meshkuj kosovarë të moshës madhore.
Tek njëri nga të dyshuarit janë gjetur dhe konfiskuar dy pistoleta të cilat dyshohet se janë përdorur në rast. Po ashtu tek i njëjti është gjetur dhe konfiskuar një sasi e dyshuar narkotike e llojit marihuan.Me vendim të Prokurorit të Shtetit (në koordinim me të cilin janë ndërmarr të gjitha veprimet hetimore) njëri nga të dyshuarit është ndalur në mbajtje për 48 orë”.